ဧရာဝတီတိုင်းမ်
ဧပြီ ၁၈ ရက်

ဧရာ၀တီတိုင်း၊ ပုသိမ်မြို့တွင် ပြည်သူ့စစ်မှုထမ်းသင်တန်းဆင်းပြီး ရှေ့တန်းသို့ပိုရာမှ ပြန်လည်ထွက်ပြေးလာသူ အချို့ကိုဧပြီလ ဒုတိယပါတ်အတွင်း ပြန်လည်ဖမ်းဆီးခံရကြောင်း သတင်းရရှိသည်။
‌

ပုသိမ်မြို့ ၊ မြို့ပတ်လမ်းတွင် ရှေ့တန်းမှ ထွက်ပြေးတိမ်းရှောင်နေသည့် လူငယ်နှစ်ဦးကို စစ်ကောင်စီတပ်သားများက နေအိမ်တွင်လာရောက်ဖမ်းဆီးရာ တစ်ဦးကိုပြန်လည် ဖမ်းမိသွားခြင်းဖြစ်သည်။

“ကောင်လေးတွေက လမ်းဘေးထိုင်နေတာကို ဆွဲခေါ်ခံရတာ။ အပတ်စဉ် ၈ သင်တန်းပြီး ရခိုင်ဘက်ပို့တာကို မရရအောင်ထွက်ပြေးလာတာ ၊ သုံးလလောက်ပဲကြာတယ်ပြန်မိတာပဲ”ဟု ပုသိမ်မြို့ခံတစ်ဦးမှ ဧရာ၀တီတိုင်းမ်ကိုပြောသည်။

ပုသိမ်မြို့ကိုးဆူစစ်ဆေးရေးဂိတ်တွင် ဧပြီ ၁၂ ရက်နေ့ကလည်း စစ်မှုထမ်းအပါတ်စဥ် ၁ မှ ထွက်ပြေးနေသည့် ကြက်ပေါင်ကျေးရွာသား လူငယ်တစ်ဦး နေရပ်သို့ပြန်လာစဥ် စစ်ဆေးဖမ်းဆီးသွားကြောင်း သိရသည်။

စစ်ကောင်စီသည် စစ်ပြေး၊ ရဲပြေးနှင့်
CDM၊ ၅၀၅ပုဒ်မ ထုတ်ခံရသူများကို မှတ်တမ်းပြုစုကာ စစ်ဆေးရေးဂိတ်များနှင့် အုပ်ချုပ်ရေးမှူးများကို ဖြန့်ဝေထားပြီး ဖမ်းဆီးမှုများပြုလုပ်နေကာ ဧပြီလအစပိုင်းကလည်း ပုသိမ်မြို့ ရာမည ရပ်ကွက်တွင် အိမ်ငှါးနေထိုင်သော CDMရဲတစ်ဦးကိုဖမ်းဆီးခံခဲ့ရသည်။

#ပုသိမ် #ပြည်သူ့စစ်မှုထမ်း #သင်တန်းဆင်း #ထွက်ပြေးလာသူအချို့ #ပြန်လည်ဖမ်းဆီးခံရ #Ayeyarwaddy_Times

The post ပုသိမ်တွင် ပြည်သူ့စစ်မှုထမ်းသင်တန်းဆင်းပြီးရှေ့တန်းပို့ရာမှထွက်ပြေးလာသူအချို့ပြန်လည် ဖမ်းဆီးခံရ appeared first on Ayeyarwaddy Times.