ဧရာဝတီတိုင်းမ်
(ရေဖြူ) ၊ ဧပြီ ၁၈ ရက်

တနင်္သာရီတိုင်း ၊ ဘုတ်ပြင်းမြို့နယ်၊ တောင်ငယ်ရွာအခြေစိုက် ပျူစောထီးစခန်းတစ်ခုကို ဝင်ရောက် တိုက်ခိုက်ခဲ့ရာ ပျူစောထီးခေါင်းဆောင် တစ်ဦးသေဆုံးပြီး လက်နက် ၁၀ လက်နှင့်ခဲယမ်းများ သိမ်းဆည်းရရှိခဲ့ကြောင်း တနင်္သာရီမြို့နယ်ပြည်သူ့ကာကွယ်ရေးအဖွဲ့ (ပ.က.ဖ ) တာဝန်ရှိသူထံမှ သိရသည်။

ဘုတ်ပြင်းမြို့နယ်၊ တောင်ငယ်ရွာ အခြေ စိုက် ရွှေဂဲညိုရွာ ပျူစောထီးစခန်းအား ဧပြီလ ၁၆ ရက် နံနက် ၃ နာရီခန့်အချိန်က တနင်္သာရီ မြို့နယ် ပြည်သူ့ကာကွယ်ရေး အဖွဲ့ (ပ.က.ဖ) တိုက်ခိုက်ရေးအဖွဲ့က ဝင်ရောက်ပစ်ခတ်တိုက်ခိုက်ရာ ပျူစောထီးခေါင်းဆောင် တစ်ဦးသေဆုံးပြီး ကျန်ပျူစောထီးများ ထွက်ပြေးသွားကြောင်း သိရသည်။

“ပျူစော ထီးတွေက နှစ်ဖွဲ့ပေါင်းပြီးနေနေကြတယ်ဗျ။ တောင်ငယ်ရွာ ပျူစောထီးရယ် ၊ ရွှေဂဲညိုရွာ ပျူစောထီးရယ်။ ပြောရမယ်ဆိုရင် စခန်းဆိုတာထက် ပျူစောထီးတွေအခြေစိုက်တဲ့ရွာတွေပါ။ အဲ့ဒီ ပျူစခန်း မှာ အင်အားက ၁၈ ယောက်လောက်ရှိတယ်ဗျ။ ပျူစောထီးခေါင်းဆောင် ဌေးဝင်းက နေရာမှာပဲ ပွဲချင်းပြီးသေသွားတယ်။ တစ်ဦး ကအထိနာသွားတယ်။ ကျန် တဲ့ သူတွေက လက်နက် ခဲယမ်းတွေအားလုံးကို ထားခဲ့ပြီးပြေးသွားကြတယ်” ဟု တနင်္သာရီ မြို့နယ်ပြည်သူ့ကာကွယ်ရေးအဖွဲ့ (ပ.က.ဖ) တိုက်ခိုက်ရေးအဖွဲ့ မှ တာဝန်ရှိသူတစ်ဦးက ဧရာဝတီတိုင်းမ်ကိုပြောသည်။

ယင်း ပျူစောထီးစခန်း ပစ်ခတ်မှုအတွင်းမှ AK အမျိုးအစား သေနတ် ငါး လက် ၊ ကာဘိုင် အမျိုးအစား သေနတ် တစ် လက်၊ M16 အမျိုးအစား သေနတ် သုံး လက် ၊ 79 မမ လောင်ချာ အမျိုးအစား သေနတ် တစ်လက်၊ 40 မမ ဗုံးသီး ငါး လုံး၊16 ကျည် ၂၀ တောင့် ၊ ကာပိုင်ကျည် ခုနစ် တောင့်၊ အီကွေးမင်း တစ် စုံ၊ 16 ကျည်ဘောက် နှစ် ခု၊ စကားပြောစက် တစ် လုံး နှင့် ဆက်စပ်ပစ္စည်းများ သိမ်းဆည်းရရှိခဲ့ကြောင်း သိရသည်။

အဆိုပါ တိုက်ခိုက်မှုကို တနင်္သာရီမြို့နယ်ပြည်သူ့ကာကွယ်ရေးအဖွဲ့ (ပ.က.ဖ) တိုက်ခိုက်ရေးအဖွဲ့က ဝင်ရောက်တိုက်ခိုက်ခဲ့ခြင်းဖြစ် ပြီး အပြန်အလှန်ပစ်ခတ်မှု မိနစ် ၃၀ ခန့်ကြာမြင့်ကာ ပြည်သူ့ ကာကွယ်ရေးတပ်ဖွဲ့ဝင်တစ်ဦး မစိုးရိမ်ရ ဒဏ်ရာရရှိခဲ့ကြောင်းသိရသည်။

ပုံစာ- ပျူစောထီးစခန်း မှ သိမ်းဆည်းရမိတဲ့ လက်နက်ခဲယမ်း နှင့် ဆက်စပ်ပစ္စည်းများ။
#ဘုတ်ပြင်း #ပျူစောထီးစခန်း #တိုက်ခိုက်ခံရ #ပျူစောထီးခေါင်းဆောင် #လက်နက်၁၀လက် #သိမ်းဆည်းရရှိ #Ayeyarwaddy_Times

The post ဘုတ်ပြင်းရှိ ပျူစောထီးစခန်းတိုက်ခိုက်ခံရပြီး ပျူစောထီးခေါင်းဆောင် ၁ ဦးသေဆုံးကာလက်နက် ၁၀ လက်နှင့်ခဲယမ်းများ သိမ်းဆည်းရရှိ appeared first on Ayeyarwaddy Times.