မတ်လ ၂၈ ရက်တွင် စစ်ကိုင်းပြတ်ရွေ့ ငလျင်ကြောင့် မန္တလေးမြို့ရှိ Sky Villa ကွန်ဒိုပြိုကျမှုအတွင်း သီပေါမြို့မှ စစ်ဘေးတိမ်းရှောင်သွားသော SSPP မှ စဝ်လွယ်မောဝ်၏ ဆွေမျိုးများဖြစ်သည့် သားသမီး၊ မြေးမြစ်များ အမျိုးသမီး (၄) ဦးနှင့် ကလေး (၅) ဦး အပါအဝင် စုစုပေါင်း (၁၀) ဦး ကွယ်လွန်သွားခဲ့ကြောင်း သိရသည်။

ယနေ့ (ဧပြီလ ၁၁ ရက်) နံနက်ပိုင်းတွင် ၎င်းတို့အား ရည်စူး၍ ကျန်ရစ်သူ မိသားစုများက ကျေးသီးမြို့နယ် SSPP/SSA ဝမ်ဟိုင်းဌာနချုပ် ခန်းမတွင် ဆွမ်းရင်တရားတော်နာ ရေစက်ချ အမျှဝေခြင်း ပြုလုပ်ပေးခဲ့ကြောင်း မိသားစုဝင်တစ်ဦးမှ လူမှုကွန်ရက်တွင် မျှဝေထားသည်။

၎င်းအခမ်းအနားသို့ SSPP နာယက ဗိုလ်ချုပ်ကြီးဆေထင်၊ စဝ်လွယ်မောဝ်၏ မိသားစုဝင်များနှင့် ဆွေမျိုးများလည်း တက်ရောက်ခဲ့ကြောင်း တွေ့ရသည်။

The post Sky Villa ကွန်ဒိုပြိုကျမှုအတွင်း ကွယ်လွန်ခဲ့သည့် သီပေါစစ်ဘေးရှောင် မိသားစုအတွက် SSPP ဌာနချုပ်တွင် ရေစက်ချအမျှဝေ appeared first on သျှမ်းသံတော်ဆင့်.